სკოლა და ცხოვრება

ბავშვისათვის მნიშვნელოვანი ეტაპია სკოლაში შესვლა,მას ერთი სული აქვს როდის იყიდის ჩანთას,რვეულს,კალამს,ფერად ფანქრებსა თუ სახატავ რვეულს,თითქოს უცებ დიდი ხდება და სხვა სამყაროში გადადის,განსაკუთრებულად ღელავს და მიიჩქარის სიახლისაკენ.


როცა ზარი ირეკება პირველკლასელები ამაყობენ საკუთარი თავით. პირველმა მღელვარებამ უკვე გაიარა. მათ ცხოვრებაში ახალი ეტაპი დაიწყო, სავსე ახალი შთაბეჭდილებებითა და აღმოჩენებით. სკოლების დერეფნებში მოსწავლეთა ჟრიამული ისმის.ხანდახან ისე იღლებიან მიუჩვევლები ასეთი რეჟმისაგან რომ ეზარებათ სკოლაში წასვლა. ამას ემატება სხვადასხვა სტუდიაში, სექციაში თუ წრეზე სიარული, რომლებიც, ერთი მხრივ, ხელს უწყობს ბავშვის მრავალმხრივ განვითარებას, მეორე მხრივ, ზრდის დატვირთვას და აძლიერებს სტრესს. ჩვენი, მშობლების ამოცანაა, დავეხმაროთ ბავშვებს სასკოლო პრობლემების დაძლევაში. სწორი დღის რეჟიმი საშუალებას მოგვცემს, თანაბრად გავანაწილოთ დრო მეცადინეობისა და დასვენებისთვის. თამაშის ფორმით გადაცემა და დამატებითი მეცადინეობა აადვილებს მასალის ათვისებას. მშობლების მაგალითი უჩვენებს ბავშვს ყოველდღიური შრომის მნიშვნელობას, უმყარებს მოტივაციას და ცოდნისადმი სწრაფვას.

p.s ჩემი შვილი სექტემბრიდან სკოლაში მიდის,მისი მომავალი პედაგოგი ლალი ქობულაძეა,ის შეხვდა მომავალ პირველკლასელებს,გადაუღო სურათები,ქრისტინე ძალიან კმაკოფილი დაბრუნდა სახლში,უნდა რაც შეიძლება მალე მოვიდეს პირველი სექტემბერი და ლალი მასწავლებელთან ერთად ჩაეფლოს ცოდნის სამყაროში.
ლალი მასწავლებლის ბლოგის მისამართია kobuladze.blogspot.com